الفطر الاسود rhino cerebral mucor mucosysis

الفطر الاسود rhino cerebral mucor mucosysis

.. مش جديد ولا حاجة هو مرض فطري قاتل معروف في حالات الغيبوبة الكيتونية المتكررة وعدم انضباط السكر لفترات زمنية طويلة اللي بيضعف المناعة وحالات ضعف المناعة بصفة عامة زي الايدز والعلاج بمثبطات المناعة لفترات زمنية طويلة وغيرها.
.. اللي بيسببه مجموعة من الفطريات الشهيرة ب mucormyocytes.
.. بيبدا بالانف والحاجز الانفي ويمتد للجيوب الانفية وممكن يمتد للعين وممكن شدته توصل لدرجة انه بيخترق العظام ويصل لاغشية المخ.
.. اعراضه تورم شديد علي ناحية من الوجه وصداع شديد جدا غير مبرر واحتقان في احد جانبي الانف وممكن تغير لون الجلد في منطقة الانف وحول العين للون الاسود او الغامق.
..بيتشخص بالفحص الاكلينكي او بالاشعة المقطعية علي الوجه والراس.
.. وعلاج مضاد للفطريات شامل ومكثف في عناية مركزة غالبا بيعتمد علي اقوي مضادات الفطريات واخطرها amphotericin B من 4 ل 6 اسابيع مع بعض الادوية المساعدة وممكن نحتاج تدخل جراحي يعني موضوع مش سهل.
.. المهم انا كاتب للتهويل يعني.
.. لا مش كدا.
.. كاتب عشان الناس تعرف ان علاج الكورونا ماهوش حاجة ثابتة لكل الناس لدرجة الناس بتاخد بروتوكولات اشخاص من علي النت وتطبقها.
.. انا شفت مريض سكر حد عالجه او نفذ بروتوكول الله واعلم من نفسه بجرعات كورتيزون عالية وقاله وقف علاج السكر عشان خطر وجايلي داخل في غيبوبة كيتونية وهيتحجز بعد ما كان سكره مظبوط بسبب وقف علاج السكر فدا مستحيل اللي بيعالجه كان دكتور متخصص.
..ياريت الناس ماتستهونش ولا تكسل ولا تفتكر اننا بنشغل زمايلنا لما اقولك روح لطبيب صدر متخصص انا بعملك الصح.
.. ياعم حتي لو البروتوكول معروف كفاية انك معاك حد متخصص مش هيوقفلك علاج سكر ولا هيديك جرعات خزعبلية من ادوية مش عارف ابعادها.
.. وربنا يحفظ البلاد والعباد.

اترك رد

لن يتم نشر عنوان بريدك الإلكتروني.

%d مدونون معجبون بهذه: