اى ام لسة والدة قريب او حامل على وش ولادة او ابنها لسة فى الشهور الأولى…..

اى ام لسة والدة قريب او حامل على وش ولادة او ابنها لسة فى الشهور الأولى…..
ركزى كده معايا يا دكتورة فى الكلمتين دول👇👇👇
١- #خنفرة_الأنف👃….. طالما الطفل بيرضع🤱 وينام كويس🛌….
⬅️سببها ضيق تجويف الانف وبتتحسن مع العمر وبنستخدملها محلول ملح او بخاخ ماء البحر لتنظيف الأنف عند اللزوم…..
٢- زيادة⬆️ عدد مرات #الستول stool….. بعد كل رضعة🤱 او بمجرد بدء الرضاعة الطفل يعمل غازات ويتلوى ويعمل ستول يعنى ممكن يوصل ل ٨-١٢ مرة يوميا وتكون الشكوى المعتادة من الجدات👵🏻 ان الطفل بيسهل….
⬅️ده مش اسهال ولا حاجة…. ده حاجة اسمها Gastro-colic reflex يعنى در فعل هرمونى عصبى🔁….. بمعنى ان دخول اللبن للمعدة بيحفز القولون للتفريغ فبينضف القولون ويفضيه…
٣- #الإرتجاع…. طالما الطفل بيزيد فى الوزن👌 وصدره مش بيتعب باستمرار ومش مسبب له مشاكل صحية👍….
٤- لون برتقالى ممكن نلاقيه فى #البول فى الايام الاولى بعد الولادة……
⬅️دى املاح يورات urate crystals بتنزل فى البول خاصة لو الجو حار والطفل مبيرضعش كويس…..
✅ المطلوب منك تهوية الطفل ويرضع كويس🤱….
٥- #تورم_الثديين عند المواليد….. ده نتيجة هرمونات من الام اثناء الحمل🤰 وكمان بتنزل فى لبن الرضاعة🤱…..
✅ بلاش تعصير عشان ده هيعمل إلتهابات😡 وخراج فى صدر العيل🤬 سيبوه فى حاله هيتحسن لواحده….
٦- #إفرازات من المهبل عند الإناث….. سواء إفرازات بيضاء او حتى نقط دم (بنسميها استحاضة) ده برضه بسبب انقطاع🚫 هرمونات الأم اللى بتقل بعد الولادة عند الطفل وبتسبب كده غالبا فى الاسبوع الاول ومش محتاجين اى حاجة بتقف لوحدها…..
٧- #الخضة فى اول ٣ شهور…. سواء عند سماع صوت عال📢 او احيانا عند لمس الطفل👐 او ممكن لواحده….
⬅️دى حاجة اسمها Startle reflex وبيتحسن لما الجهاز العصبى ينضج عند ٤ إلى ٥ شهور✔….
٨- #السرة مش لازم تقع فى اول اسبوع……
⬅️عادى لو اتأخرت اسبوعين تلاتة و لحد ٤٥ يوم…..
⛔اكتر من كده لازم فحص لاستبعاد مرض مناعى نادر موجود فى كرات الدم البيضة فى الأطفال دول…
٩- #الحزق…. طبيعى اول ٦شهور طلما مفيش اعراض تانية….
⬅️وبيتحسن مع الوقت بدون مشاكل صحية على الطفل…
١٠- #الحول🙄 فى اول ٦ شهور……
غالبا نتيجة ضعف فى عضلات العين👀 بيتحسن لواحده مع الوقت—-> خاصة لو عند تحريك العين لإتجاهات معينة مش دائم…..
١١- #الإمساك….. لحد ٥ ايام عادى طالما بيعمل براز لين خاصة لو حصل بعد عمر شهر✔….
١٢- #الزغطة…….حاجة طبيعية بنشوفها فى معظم الاطفال خاصة فى اول شهر وأحيانا بتتكرر كتير وخاصة لما الطفل بيرضع كويس🤱👌 نتيجة امتلاء المعدة والضغط على الحجاب الحاجز…..
✅ارفعى الطفل على كتفك شوية لو موقفتش—->اديله رضاعة نقطة لبن من الثدى…..
١٣- #المغص….. طبيعى فى اول ٣ او ٤ شهور ممكن العياط😭 يكون لحد ٣ساعات🕛 على مدار اليوم كله….
✅نظمى الرضاعة وكرعيه كويس وسط الرضاعة وبعدها وامتنعى عن اكل الاطعمة🥦🥘🍫 اللى بتسبب مغص وانتفاخ….
١٤- #قشرة_الشعر او قبعة المهد Cradle cap….. ووقوع الشعر🙆🏻‍♀️ ده طبيعى والله منقلقش ومش محتاجين علاج وعموما مفيش كلام عن شعر الطفل قبل سنتين….
١٥- #افرازات_العين👁 وزيادة الدموع وسيلانها من الحاجات المشهورة فى الاطفال اول ٦ شهور نتيجة ضيق القنوات الدمعية وانسدادها……
⬅️كل اللى مطلوب منك….. الصبر وعمل مساج للقنوات الدمعية على جانبى الانف بحركة دائرية بلطف مرتين او ٣ يوميا ولمدة شهرين او أكتر و تنظيف الافرازات باستمرار بقطعة قطن مبللة بماء دافئ وفى حالة وجود عدوى ميكروبية فى صورة إفرازات صديدية بيضاء واحمرار و تورم بالعين تستخدم مضادات حيوية موضعية (قطرة او مرهم) بعد إستشارة الطبيب…..
👌ولحسن الحظ ٩٠% من الحالات بتشفى تلقائيا قبل اتمام عام🙏 ولو استمر الضيق او الانسداد بعد عام يتم العرض على طبيب الرمد لاحتمال الحاجة الى اجراء تسليك للقنوات الدمعيه probing…
احفظى الكلمتين دول وخليكى دكتورة طفلك…..
ومتنسيش فى ثانية إلا ربع تعملى شير وتعلمى غيرك الكلمتين دول….ربنا يجعل تعبكم مع عيالكم فى ميزان حسناتكم يوم القيامة….

اترك رد

لن يتم نشر عنوان بريدك الإلكتروني.

%d مدونون معجبون بهذه: